د استوګنیزو نمرو او کاري غرفو وېش باید روڼ او عادلانه وي
د استوګنیزو نمرو او کاري غرفو وېش باید روڼ او عادلانه وي
د شهیدانو او معلولینو په چارو کې د دولت وزارت د معلولینو چارو رییس وحید الله صافي د وزارت د وزیر ښاغلي لعل الدین آریوبي په لارښوونه د یوه پلاوي په ملتیا لوګر ولایت ته سفر وکړ او د ولایت والي، ښاروال او د شهیدانو او معلولینو چارو آمر سره ولیدل.
ښاغلي صافي په یاد ولایت کې د شهیدانو کورنیو ته د استوګنیزو نمرو او کاري غرفو په وېش کې ولایتي ادارې څخه د روڼتیا ساتنې او د ستونزو د حل په برخه کې د هغمږۍ او همکارۍ غوښتنه وکړه وویل چې په یادو برخو کې باید روڼتیا او مساوات ته جدي پاملرنه وشي. ولایتي چارواکو په ټولو برخو کې د روڼتیا، عدالت او همکارۍ ژمنه وکړه.
ښاغلي صافي د سفر پر مهال د لوګر ولایت د شهیدانو او معلولینو چارو آمریت له څخه هم لیدنه وکړه او د معلولیت لرونکو وګړو او د شهیدانو کورنیو ته د رسیدګۍ په موخه یې مسولینو ته لازمې لارښوونې وکړې، وویل چې په ټولو چارو کې باید روڼتیا، عدالت او مساوات ته پام وشي.
