په لغمان ولایت کې (۵۰۰) تنو یتیمانو، کونډو او معلولینو باندې خوراکي او غیر خوراکي توکي وویشل شول
د لغمان د شهيدانو او معلولینو چارو رياست په هڅو او کوښښونو د (HHRD) خیریه مؤسسې له لوري پر (۵۰۰) تنو یتیمانو، کونډو او معلولینو باندې خوراکي او غيرخوراکي توکي چې په هغه کې اوړه، وریجې، غوري، بوره، لوبیا، مالګه او البسه شامل وو، وویشل شول.
په ورته وخت کې هر مستحق ته(۳۰۰) افغانۍ د لارې کرایې په موخه هم ورکړل شوې.
د یادو مرستو د ویش پر مهال د دې ولايت د شهيدانو او معلولینو چارو رئيس محترم الحاج فیض الله جواد او د (HHRD) خیریه مؤسسې ځینو مسؤلينو حضور درلود.
محترم فیض الله جواد د يادې مؤسسې له مرستو مننه وکړه او ډاډ یې ورکړ چې یاد ریاست به هڅه وکړي تر څو د دې اړمن قشر د لاسنیوي په موخه لازیاتې مرستې راجلب کړي.
