په پنجشیر ولایت کې د شهیدانو او معلولینو (۲۰۰) مستحقو کورنېو مرستې تر لاسه کړې
د پنجشیر ولایت د شهیدانو او معلولینو چارو ریاست، د طبیعي پېښو پر وړاندې د مبارزې ریاست سره په همکارۍ او همغږۍ د شهیدانو او معلولینو پر دوه سوه مستحقو کورنېو باندې څلور سوه (۴۰۰) بورۍ اوړه وویشل چې هرې مستحقې کورنۍ ته په ترتیب سره دوه بورۍ چې سل کیلو ګرامه اوړه کیږي ورکړل شول.
د یادو مرستو د ویش پر مهال د پنجشیر ولایت د شهیدانو او معلولینو چارو رئیس محترم مولوي کمال الدین رحیمي د مرستندویه مؤسسو او د طبیعي پېښو پر وړاندې د مبارزې ریاست له مرستو مننه وکړه او له هغوی یې وغوښتل تر څو یتیمانو، کونډو او معلولینو ته لا ډیرې مرستې چمتو او وویشي.
