ټولګټو تاسيساتو ته فزيکي نه لاسرسی د شهيدانو ورثې او معلوليت لرونکو وګړو عمده ستونزه ده

sadiq_admin
چهارشنبه ۱۳۹۹/۱۰/۱۷ - ۹:۱۷
xs

ټولګټو تاسيساتو ته فزيکي نه لاسرسی د شهيدانو ورثې او معلوليت لرونکو وګړو عمده ستونزه ده

نن سه شنبه د مرغومې په ۱۶مه، د شهيدانو او معلولينو په چارو کې د دولت وزير لعل الدين آريوبي د ښار جوړولو او ځمکو وزير سره وکتل.

د شهيدانو او معلولينو په چارو کې د دولت وزير لعل الدين آريوبي، د ښار جوړولو او ځمکو وزير ښاغلي محمود کرزي سره د شهيدانو ورثې او معلوليت لرونکو وګړو لپاره د استوګنځيو نشتون او ټولګټو تاسيساتو ته د هغوی فزيکي نه لاسرسي ستونزې شريکې کړې.

په پيل کې لعل الدين آريوبي د معلوليت ملي ستراتيژۍ، د عمل پلان او په هغو کې د ښار جوړولو او ځمکو وزارت په ونډه رڼا واچوله وويل: د شهيدانو وارثينو او معلولينو لپاره د استوګنځيو نشتون، ټولګټو تاسيساتو ته د هغوی نه لاسرسی او دې ستونزو ته د مناسبې حللارې موندل د معلوليت ملي ستراتيژۍ بنسټيز بحثونه دي.

ښاغلي آريوبي زياته کړه، چې که څه هم يادو ستونزو ته رسېدنه د ټولو دولتي ادارو ګډ کار دی؛ خو د ښار جوړولو او ځمکو وزارت پکې ځانګړی مسووليت لري.

آريوبي څرګنده کړه، چې له قانون سره سم په استوګنو اپارتمانونو او ټولنيزو اسانتياوو کې د شهيدانو وارثانو او معلوليت لرونکو وګړو لپاره اووه سلنه سهم په پام کې نيول شوی دی او د نظامي شهيدانو ورثه او معلولين د سرپناه په برخه کې لومړيتوب لري؛ خو لا هم دې موضوع ته بنسټيزه رسيدنه نه ده شوې.

د نوموړي په خبره، چې د هغو هوکړه ليکونو له مخې چې له دولتي او غير دولتي ادارو سره لاسليک شوي، هره اداره مسووليت لري چې د شهيدانو وارثينو او معلوليت لرونکو وګړو لپاره په بېلا بېلو برخو کې معياري خدمتونه وړاندې کړي.

ښاغلي آريوبي وويل: چې د معلوليت ملي ستراتيژۍ له مخې، چې د راتلونکو لسو کلونو لپاره د شهيدانو او معلولينو په چارو کې د دولت وزارت له خوا جوړه شوې ده، د ښارګوټو جوړول او ټولګټو تاسيساتو ته د معلولينو فزيکي لاسرسی ددې ستراتيژي له لومړيتوبونو څخه دي.

د ښار جوړولو او ځمکو وزير ښاغلي محمود کرزي د شهيدانو ورثې او معلولينو په تړاو د خپلو مسوليتونو يادونه وکړه وويل: هغه برنامې او اوږدمهالي پلانونه چې د شهيدانو ورثې او معلولينو، په ځانګړي ډول د نظاميانو لپاره يې د ښارګوټو او سرپناه په برخو کې لرو، کوم چې په تړاو يې له دفاع، کورنيو چارو وزيرانو او د ملي امنيت له مشرتابه سره د مسلسلو ناستو په بهير کې مو یې په ځلونو يادونه هم کړې او د ټولو اړوندو چارو ادرس چې د شهيدانو او معلولينو په چارو کې د دولت وزارت دی، له دوی سره به په ګډه يادو ستونزو ته مناسبه حللاره ومومو.

ښاغلي کرزي زياته کړه، چې د ښار جوړولو وزارت په نوې نقشه کې د قانون سره سم د شهيدانو ورثې او معلوليت لرونکو وګړو لپاره اووه سلنه سهميه په پام کې نيولې او موږ هڅه کوو چې د چاپيريال ساتنې ادارې په همکارۍ د معلولوليت لرونکو وګړو د اوسيدنې ساحې د غير معلولينو وګړو په ساحو کې مدغم کړو، تر څو د چاپيريالي تبعيض او توپيري چلند مخه ونيول شي.

د ناستې په پای کې پرېکړه وشوه، چې د عمل پلان د تطبيق په موخه به د دواړو وزارتونو ترمنځ تخنيکي کميټه جوړېږي او له همدې لارې به اړونده چارې تعقيبېږي.

 

تازه خبرونه

پنجشنبه ۱۴۰۴/۴/۱۹ - ۹:۱۷
Background image

د‌ لغمان ولايت د شهیدانو او معلولینو چارو رياست له فعاليتونو او اجراآتو څخه ارزونه ترسره شوه

د شهیدانو او معلولینو چارو وزارت د دعوت او ارشاد رئيس محترم مفتي عبدالاحد مسعود په مشرۍ يو پلاوي چې د‌ کارکوونکو چارو رئیس محترم مولوي محمد موسی صديقي او د مالي او حسابي چارو رئيس محترم. . .

پنجشنبه ۱۴۰۴/۴/۱۹ - ۹:۱۵
Background image

د بغلان ولایت د شهیدانو او معلولینو چارو ریاست کې د اداري چارو د لا ښه سمون په موخه غونډه جوړه شوه

ياده اداري غونډه چې د بغلان ولايت د شهیدانو او معلولینو چارو رئيس محترم ملا احسان عابد په مشرۍ ترسره شوه، په هغه کې د رياست اړوند ټولو کارکوونکو ګډون کړی وو.

د دې غونډې اصلي موخه د. . .

پنجشنبه ۱۴۰۴/۴/۱۹ - ۹:۹
Background image

د کابل ولایت اړوند (۵۰۰) تنو اړمنو کسانو باندې د خوراکي توکو مرستې ووېشل شوې

د شهیدانو او معلولینو چارو وزارت د شهیدانو ورثه وو او معلولینو د ملاتړ په موخه، د یوې خیریه مؤسسې سره په همغږۍ د کابل ولایت اړوند پر (۵۰۰) تنو مستحقو یتیمانو، کونډو مېرمنو، معلولینو او. . .

BACK TO NEWS