د لغمان ولايت د شهیدانو او معلولینو چارو رياست له فعاليتونو او اجراآتو څخه ارزونه ترسره شوه
د شهیدانو او معلولینو چارو وزارت د دعوت او ارشاد رئيس محترم مفتي عبدالاحد مسعود په مشرۍ يو پلاوي چې د کارکوونکو چارو رئیس محترم مولوي محمد موسی صديقي او د مالي او حسابي چارو رئيس محترم مولوي محمد امين دروېش یې ملتيا کوله، د لغمان ولايت د شهیدانو او معلولینو چارو رياست له کاري بهیر څخه یې هر اړخيزه ارزونه ترسره کړه.
د دې ارزونې پر مهال لمړۍ محترم مولوي محمد موسی صديقي، بېا محترم مفتي عبدالاحد مسعود او ورپسې محترم مولوي محمد امين دروېش د ادارې د فعالیتونو د لا ښه تنظیم، د کارونو د پرمختګ او د اصولو د بشپړ مراعاتولو پر اهمیت خبرې وکړې او ټينګار یې وکړ چې د اسلامي امارت پالیسۍ ته ژمنتیا، د نافذه قوانینو پلي کول او د دعوت او ارشاد د قانون تطبیق باید د هرې ادارې د ورځنیو چارو مهمه برخه وي.
په پای کې د لغمان ولایت د شهیدانو او معلولینو چارو ریاست کارکوونکو ته لارښوونه وشوه چې د دعوت او ارشاد چارې په ښه توګه ترسره کړي او خپل صورت او سیرت د اسلامي شریعت له اصولو سره برابر وساتي.
