د لغمان ولایت د شهیدانو او معلولینو چارو آمریت د شهید اونۍ ونمانځله
د لغمان ولایت د شهیدانو او معلولینو چارو آمریت د شهید اونۍ ونمانځله
د لغمان ولایت د شهیدانو او معلولینو چارو آمریت د قرانکریم د ختم په کولو سره د شهید اونۍ ونمانځله.
په یاده غونډه کې د لغمان ولایت د شهیدانو او معلولینو چارو آمر بشیر احمد حقپال، د لغمان مرستیال والي، د ولایتي شورا رییس او غړو، د ولایتي ادارو مسولینو، دیني عالمانو، د شهیدانو کورنیو، معلولینو، ځوانانو او د مدني ټولنو استازو ګډون درلود.
په پیل کې د یاد ولایت د شهیدانو او معلولینو چارو آمر بشیر احمد حقپال د شهید اونۍ په اړه د شهیدانو او معلولینو په چارو کې د دولت د وزیر لعل الدین آریوبي پیغام ولوست، چې د شهیدانو روح ته پکې دعا او د دوی د قربانیو او سرښندونو یادونه شوې وه.
د لغمان مرستیال والي، د ولایتي شورا رییس او غړو، دیني عالمانو او نورو ګډونوالو په خپل وار د شهیدانو د مقام، قربانیو، سرښندونو، کارنامو او مبارزو په اړه هر اړخېزې ویناوې وکړې.
