د شهیدانو وارثینو او معلولیت لرونکو وګړو ته د ښو خدمتونو د وړاندې کولو په موخه د شهیدانو او معلولینو چارو وزارت اداري کارکوونکو ته روزنیز ورکشاپونه جوړیږي.
د شهیدانو او معلولینو چارو وزارت د بشري سرچینو په ریاست کې د شهیدانو وارثینو او معلولیت لرونکو وګړو ته د لا غوره خدمتونو د وړاندې کولو په موخه په هغه غونډه کې چې د دغه وزارت د بشري سرچینو رئیس ښاغلي مولوي محمد موسی صدیقي په مشرۍ او د اړوندو څانګو آمرینو په شتون کې جوړه شوې وه د شهیدانو او معلولینو چارو وزارت د کارکوونکو د دوه اونیو کړنې وارزول شوی.
همدارنګه په دې ناسته کې د کارکوونکو د کاري ظرفیت لوړولو په موخه د ورکشاپونو جوړونه او د نوي کارمندانو استخدام پروسې د لا چټکتیا په موخه او په اړه د کمیټې د جوړولو په اړه هم هراړخیزې خبری وشوی.
په یاده ناسته کې د شهیدانو او معلولینو چارو وزارت د بشري سرچینو رئیس ښاغلی مولوي محمد موسی صدیقي د اداري کارکوونکو د ظرفیت په لوړولو باندې ټینګار وکړ او زیاته یې کړه: د کارکوونکو د کاري ظرفیت د لوړولو لپاره باید اساسي هڅې وشي تر څو د شهیدانو وارثینو او معلولیت لرونکو وکړو ته غوره خدمات وړاندې شي.
ښاغلي صدیقي همداراز کارکوونکي خپلو مسوولیتونو ته و هڅول او له هغوی څخه یې وغوښتل، چې دغه زیانمن قشر ( یتیمانو او معلولیت لرونکو وګړو) ته د ښو خدمتونو په وړاندې کولو کې لا زیاتې هڅې وکړي.
