د شهیدانو د ورثې او معلولینو د اسنادو او وثیقو د څېړنې بهیر دې چټک شي
د شهیدانو د ورثې او معلولینو د اسنادو او وثیقو د څېړنې بهیر دې چټک شي
د شهیدانو او معلولینو چارو سرپرست وزیر پوهنمل حمیدالله فاروقی د کابل ولایت د اسنادو او وثیقو د د څېړنې او ارزونې کمیټې له غړو سره په لیدنه کې د یاد بهیر پر چټکتیا ټینګار وکړ.
د اسنادو او وثیقو د څېړنې او ارزونې کمېټې غړو خپل کاري راپور وړاندې کړ او تر راتلوونکو دوو میاشتو یې د کابل ولایت د اسنادو د څېړنې او ارزونې پروسې د بشپړیدو ډاډ ورکړ.
ښاغلي فاروقي د یادې کمېټې له مسولینو مننه وکړه چې د کابل ولایت اړوند ۳۹۹۴۹ اسناد یې څېړلي او یو شمېر ناقانونه اسناد یې رد کړي دي.
ښاغلي فاروقي وویل: پاتې ۱۶۰۰۰ اسناد دې ژر تر ژره وڅېړل شي، تر څو د شهیدانو د ورثې ته کلني حقوق ورکړل شي.
ښاغلي فاروقي د هغو اسنادو په اړه چې بشپړ نه دي او قانوني ستونزې لري، د حل په موخه د یوه لارښود د جوړیدو لارښوونه وکړه.
