په جوزجان ولایت کې د شهیدانو او معلولینو پر (۵۰۰) کورنیو باندې خوراکي توکي ووېشل شول
د جوزجان ولایت د شهیدانو او معلولینو چارو ریاست د یتیمانو، کونډو مېرمنو او معلولینو د ورځنیو اړتیاوو پوره کولو په موخه د یوې خیریه مؤسسې سره په همغږۍ د شهیدانو او معلولینو پر (۵۰۰) کورنيو باندې مرستې چې په هغه کې شپږ (۶) ډوله بېلابېل خوراکي توکي شامل وو، په منظم او عادلانه ډول ووېشل.
د مرستو د وېش پر مهال د جوزجان ولایت د شهیدانو او معلولینو چارو ریاست مسؤلینو او د خیریه مؤسسې استازو حضور درلود او له یاد بهیر څخه یې په هر اړخیز ډول نظارت ترسره کړ.
