د غزني ولایت د شهیدانو او معلولینو چارو ریاست کې د کاري بهیر د لاښه والي په موخه اداري غونډه ترسره شوه
یاده غونډه چې د غزني ولايت د شهيدانو او معلولینو چارو رئيس محترم مولوي محمدانور برادر په مشرۍ جوړه شوې وه په هغه کې د یاد ریاست کارکوونکو ګډون کړی وو.
په دې غونډه کې د شهيدانو او معلولینو چارو وزارت له طرحې سره سم د یتیمانو، کونډو او معلولینو د تثبیت او ثبت پروسې، د کور په کور د تصفیې پروسې پر څرنګوالي او همداراز مستحقو کسانو ته د غوره خدمتونو وړاندې کولو په هکله خبرې وشوې.
نوموړي همداراز د ياد رياست له کارکوونکو څخه وغوښتل تر څو ورسپارل شوي مسؤلیتونه په پوره اخلاص او صداقت تر سره کړي.
