د شهیدانو او معلولینو چارو وزارت د ډېټابېس او معلوماتي سیسټم ریاست لپاره نوی رئیس د محترم مولوي کلیم الله افغان له لوري کارکوونکو ته رسماً معرفي شو
د افغانستان اسلامي امارت د ریاست الوزراء عالي مقام د حکم پر اساس او د شهیدانو او معلولینو چارو وزارت په وړانديز، محترم الحاج ملا رحمت الله خالد د ډېټابېس او معلوماتي سیسټم ریاست لپاره د نوي رئیس په توګه، د مالي او اداري چارو عمومي رئیس محترم مولوي کلیم الله افغان له لوري کارکوونکو ته معرفي او رسماً یې خپله دنده پیل کړه.
د معرفي په دې غونډه کې د مالي او اداري چارو عمومي رئیس محترم مولوي کلیم الله افغان، د کورنۍ پلټنې رئیس محترم مولوي محمد انور برادر، د پلان، بهرنیو اړیکو او تقنین رئيس محترم ملا صدوخان حق شناس، د معلولینو چارو رئیس محترم مولوي شاه ولي، د اطلاعاتو او عامه اړیکو رئیس محترم مفتي فیصل خاموش، یو شمېر آمرینو او د اړوند ریاست کارکوونکو حضور درلود.
د یادونې وړ ده چې محترم الحاج ملا رحمت الله خالد تر دې وړاندې د شهیدانو ورثه وو او معلولینو د پالنې مرکز د رئیس په توګه دنده ترسره کوله.
