د شهیدانو او معلولینو چارو وزارت د کارکوونکو د چارو په ریاست کې اداري غونډه ترسره شوه
د کاري بهیر د لا ښه والي په موخه د کارکوونکو چارو رئیس محترم مولوي محمد موسی صدیقي په مشرۍ په یاد ریاست کې اداري غونډه ترسره شوه، په دې غونډه کې د ریاست اړوند آمرینو او کارکوونکو ګډون کړی وو.
د دې غونډه په ترڅ کې محترم مولوي محمد موسی صدیقي د شهیدانو او معلولینو وزارت اړوند د خالي بستونو د ازموینې اخیستلو پر څرنګوالي، د کارکوونکو د دندو لایحو د ژباړلو او د آمریتونو د مسؤلیتونو لارښود د ترتیبولو په اړه تفصیلي خبرې وکړې.
همدارنګه ولایتونو ته د تصفیې منظور شویو فورمو د مکتبونو د استولو او د کارکوونکو د حاضری په هکله د کار او ټولنیزو چارو وزارت د استعلامونو د ځوابولو په اړه کارکوونکو ته لازم هدایات ورکړل شول.
د دې ترڅنګ د شهیدانو او معلولینو چارو وزارت (۵۰) تنو کارکوونکو لپاره د کاري ظرفیتونو لوړونې پروګرامونو د دایرولو پر څرنګوالي او د کارکوونکو د چارو ریاست اړوند ټولو کارکوونکو ته د ستاینلیکونو د ورکولو په هکله هم خبرې وشوې.
همداراز د غونډې ګډونوالو خپل نظرونه او وړاندیزونه وړاندې کړل او د کاري بهیر د لا ښه والي په موخه هغوی ته د محترم مولوي محمد موسی صدیقي له لوري لازمې لارښوونې وشوې.
