په زابل ولايت کې پر (۶۰۰) تنو مستحقو کسانو باندې خوراکي توکي ووېشل شول
د زابل ولايت د شهيدانو او معلولينو چارو رياست د شهيدانو ورثه وو او معلولیت لرونکو وګړو د ملاتړ په موخه د یوې خیریه مؤسسې سره په همغږۍ پر (۶۰۰) تنو مستحقو یتیمانو، کونډو او معلولینو باندې د خوراکي توکو مرستې چې په هغه کې اوړه، وریجې، غوړي او ځینې نور خوراکي مواد شامل وو، په منظم او عادلانه ډول ووېشل.
یادې مرستې د زابل ولايت د شهيدانو او معلولينو چارو رئيس محترم سید فضل الدین آغا حامد، د اړوند ریاست آمر محترم احسان الله صادق په شتون کې پر مستحقینو ووېشل شوې.
محترم سید فضل الدین آغا د یادې مؤسسې له مرستو څخه مننه وکړه او پر نورو خیریه بنسټونو یې هم غږ وکړ چې د شهيدانو کورنيو او معلولينو لپاره لا زياتې مرستې برابرې کړي.
