د لوګر ولايت د شهیدانو او معلولینو چارو رياست لپاره نوی رئيس معرفي او په کار یې پیل وکړ
د رياست الوزراء عالي مقام د حکم پر اساس او د شهیدانو او معلولینو چارو وزارت د وړاندیز له مخې، محترم مولوي باقي بالله فضلي د لوګر ولايت د شهیدانو او معلولینو چارو رياست لپاره د نوي رئيس په توګه کارکوونکو ته معرفي او خپلې چارې يې رسماً پیل کړې.
په هغه غونډه کې چې په همدې موخه د لوګر ولايت د شهیدانو او معلولینو چارو په رياست کې جوړه شوي وه ، د شهیدانو او معلولینو چارو وزارت د دفتر رئيس محترم مولوي شاه محمد دوست د کارکوونکو د چارو رئيس محترم مولوي محمد موسی صديقي، د لوګر ولايت مقام د کارکوونکو چارو آمر محترم ملا محمد عظیم امیري او د رياست اړوند کارکوونکو ګډون کړی وو.
په دې مراسمو کې د لوګر ولايت مقام، د کارکوونکو چارو آمر محترم ملا محمد عظیم امیري وویل: اسلامي امارت د یوه مشترک کور حیثیت لري او موږ ټول باید د الله جل جلاله د رضا او د ولس د خدمت او هوساينې لپاره کار وکړو. نوموړي د شهیدانو او معلولینو چارو رياست د پخواني رئيس خدمتونه او هڅې وستايلې او له نوي رئیس سره یې په اړوندو چارو کې د بشپړې همکارۍ ژمنه وکړه.
