د زونونو په کچه د سپین غر زون معلولینو کرېکټ لوبډلې د جوړیدو په موخه ازموينه واخيستل شوه
د زونونو په کچه د سپین غر زون معلولینو کرېکټ لوبډلې د جوړیدو په موخه ازموينه واخيستل شوه
د معلوليت لرونکو وکړو د کریکټ لوبډلې لپاره د سپين غر زون په کچه د څلورو ولایتونو څخه د معلولينو لوبډلې جوړيدو لپاره ازموينه واخيستل شوه.
په دې ازموینه کې چې د ننګرهار، لغمان، کونړ او نورستان ولایتونو بیلابېلو لوبغاړو برخه اخیستی وه، د ننګرهار په نیشنل کرېکټ اکاډمۍ کې د ۳۰ لوبغاړو څخه د توپوهنې، توپ اچونې او توپ نیونې هر اړخیزه ازموینه واخیستل شوه.
د افغانستان کرېکټ بورډ په پام کې لري، چې د ټول هېواد په کچه د معلوليت لرونکو وګړو لپاره ملي لوبډله جوړه کړي او د کرېکټ بورډ چارواکو د څرګندونو له مخې به په پاتې زونونو کې هم ورته ازموينې واخيستل شي.
