د شهیدانو او معلولینو چارو وزارت او د نصیر خیریه بنسټ ترمنځ د هوکړه لیک لاسلیک
د شهیدانو او معلولینو چارو وزارت د یتیمانو د لاسنیوي او ملاتړ په موخه د نصیر خیریه بنسټ سره د (۷۷۹) زره او (۷۶۰) افغانیو په ارزښت د همکارۍ هوکړه لیک لاسلیک کړ، چې له مخې به یې د کابل ولایت اړوند په موسهي او چهار آسیاب ولسوالیو کې (۷۶) تنو یتیمانو ته نغدي مرستې ووېشل شي او هر مستحق به د (۳) میاشتو په موده کې (۱۰۲۶۰) افغانۍ د نغدي مرستې په توګه ترلاسه کړي.
یاد هوکړه لیک د شهیدانو او معلولینو چارو وزارت د بهرنیو اړیکو، پلان او تقنین چارو رئیس محترم ملا صدوخان حق شناس او د نصیر خیریه بنسټ مشر محترم محمد جواد ترمنځ لاسلیک شو، او د (۳) میاشتو په موده کې د کابل ولایت د شهیدانو او معلولینو چارو ریاست سره په همغږۍ به تطبیق شي.
د یادونې وړ ده چې د نصیر خیریه بنسټ تر دې وړاندې هم د شهیدانو او معلولینو چارو وزارت سره په بشپړې همغږۍ یتیمانو، کونډو او معلولینو ته د خوراکي او غیر خوراکي توکو مرستې چمتو کړي دي.
