د شهیدانو او معلولینو چارو وزارت د کابل ولایت اړوند پر (۳۰۰) تنو اړمنو کسانو باندې خوراکي توکي ووېشل
د شهیدانو او معلولینو چارو وزارت د مستحقو کسانو د ملاتړ په موخه د حبیب ګلزار شرکت په همکارۍ د کابل ولایت اړوند پر (۳۰۰) تنو مستحقو یتیمانو، کونډو، معلولینو او اړمنو کسانو باندې مرستې چې په هغه کې اوړه، غوړي، وریجې او ځینې نور خوراکي مواد شامل وو، په شفاف ډول ووېشل.
د مرستو د وېش بهیر د شهیدانو او معلولینو چارو وزارت د نشراتو آمر محترم حافظ محمد یعقوب روښان، د ټولنیزو خدمتونو آمر محترم صفي الله سدید، د څارنې او ارزونې ریاست استازي محترم محمد فاروق ځلاند او د حبیب ګلزار شرکت د مسؤلینو په شتون کې په منظم ډول پر مخ یوړل شو او د مرستو څخه واقعي مستحقین برخمن شول.
