د شهيدانو او معلولينو چارو سرپرست وزير د پيامبر اعظم بياپياوړتيا مرکز څخه ليدنه وکړه
د شهيدانو او معلولينو چارو سرپرست وزير د پيامبر اعظم بياپياوړتيا مرکز څخه ليدنه وکړه
چهارشنبه، غبرګولي۱۹مه، ۱۴۰۰
د شهيدانو او معلولينو چارو سرپرست وزير پوهنمل حميدالله فاروقي د پيامبر اعظم بياپياوړتيا مرکز د خدمتونو له څرنګوالي څخه ليدنه وکړه.
د شهيدانو او معلولينو چارو سرپرست وزير د ياد مرکز د ډاکترانو او چارواکو د ستونزو، غوښتنو، نظرونو او وړانديزونو د اوريدو ترڅنګ، هغوی ته لارښوونه وکړه چې د چارو او خدمتونو د لا ښه والي لپاره د کوټلي ګامونه واخلي.
نوموړي ددې مرکز پر لا فعاليدو او ګټور کيدو باندې ټينګار وکړ او اړونده ډاکترانو ته يې سپارښتنه وکړه، چې د معلوليت لرونکو وګړو د فزيکي بياپياوړتيا، رواني او حسي تداوۍ په تړاو دې له مراجعينو سره په مهربانۍ او نرم چلند کوي.
پر همدې بنسټ د شهيدانو او معلولينو چارو سرپرست وزير اړونده چارواکو ته لارښوونه وکړه، چې د مرکز ډاکترانو کارکوونکو او مراجعينو د کرونا ناروغۍ څخه د مخنيوي لپاره دې هم اړين او ځانګړي تدابير ونيسي او د هغوی لپاره روغتيايي اسانتياوې برابرې کړي.
