ولایتونو کې پر شته ستونزو په ګروپي بڼه بحثونه ترسره شوه
ولایتونو کې پر شته ستونزو په ګروپي بڼه بحثونه ترسره شوه
د شهیدانو او معلولینو چارو وزارت له لوري ولایتي آمرینو ته د هغمږۍ او وړتیا لوړونې ورکشاپ دویمه ورځ د وزارت د برنامو او همغږۍ مرستیالې صبري اندړ له لوري پیل شوه.
د ورکشاپ په دویمه ورځ ولایتي آمرین په مختلفو کاري ګروپونو ووېشل شوه، څو د خپلو ولایتونو اړوند ستونزې او نور موضوعات باندې بحث او وروسته یې عمومي غونډې ته وړاندې کړي.
ولایتي آمرینو له مشترک ګروپي کار وروسته د خپلو ولایتونو اړوند لوی موضوعات، چې د اداري تشکیل، بودجې، مناسب کاري دفتر کمښت او نورې ستونزې پکې شاملې وې د وزارت رهبرۍ ته وړاندې کړې.
د شهیدانو او معلولینو چارو وزارت د مختلفو برخو رییسانو د خپلو کاري مسولیتونو پر بنسټ د پرېزنټېشنونو له لارې د آمرینو پوښتنو ته ځوابونه وویل او د وزارت رهبرۍ ژمنه وکړه، چې یادو ستونزو ته به هر اړخیزه رسېدنه وکړي.
د یادونې وړ ده، چې دغه ورکشاپ د شهیدانو او معلولینو چارو وزارت او کمک موسسې په مالي همکارۍ جوړ شوی چې سبا به یې وروستۍ ورځ وي.
