معلولیت لرونکو ښځو او د شهیدانو مېرمنو ته به پاملرنه زیاته شي
معلولیت لرونکو ښځو او د شهیدانو مېرمنو ته به پاملرنه زیاته شي
د شهیدانو او معلولینو په چارو کې د دولت وزارت د نظامي شهیدانو او معلولینو چارو د انسجام مرستیالې صبري اندړ د ښځو چارو وزیرې حسینې صافۍ سره وکتل او د معلولیت لرونکو ښځو او د شهیدانو د مېرمنو پر ستونزو یې بحث وکړ.
آغلې صبري اندړ د معلولیت لرونکو ښځو د درې سلنه ګمارنې، فزیکي لاسرسي او اسانتیاوو برابرولو او د ښځو چارو وزارت په لنډمهالو او اوږدمهالو پلانونو او ستراتیژیو کې دوی ته په پاملرنه تاکید وکړ. نوموړې زیاته کړه، چې معلولیت لرونکې ښځې او د شهیدانو مېرمنې ګڼو ستونزو سره مخ دي، چې باید په مشترکه توګه ورته رسیدګي وشي.
د ښځو چارو وزارت سرپرستې حسینې صافۍ وویل، چې د خپلو تېرو ماموریتونو پر مهال یې هم دغو ښځو ته پاملرنه او رسېدنه کړې ده اوس هم ژمنه کوي، چې په هره برنامه او پلان کې به د یادو مېرمنو د حقوقو د دفاع او تحقق لپاره کار وکړي. آغلې صافۍ په مشترک کار او هر اړخیزې همکارۍ ټینګار وکړ.
