د نیمروز ولایت د شهیدانو او معلولینو چارو په ریاست کې اداري غونډه ترسره شوه
د نیمروز ولایت د شهیدانو او معلولینو چارو ریاست اداري غونډه د یاد ریاست د رئیس محترم مولوي میراحمد منیر په مشرۍ ترسره شوه، چې په کې د ریاست اړوندو کارکوونکو ګډون کړی وو.
په دې غونډه کې محترم مولوي میر احمد منیر د عالیقدر امیرالمؤمنین حفظه الله تعالی وروستی حکم کارکوونکو ته ابلاغ کړ، چې په کې په جماعت سره د لمانځه د اداء کولو، د خولۍ او لنګوټې پر سر کولو او نورو اړوندو لارښوونو په اړه دی. نوموړي له ټولو کارکوونکو څخه وغوښتل چې یاد حکم په جدي توګه عملي او په خپل کاري چاپېریال کې ورته پوره پاملرنه وکړي.
نوموړي همدارنګه له کارکوونکو وغوښتل چې د ریاست اداري چارې په منظم او مسلکي ډول ترسره کړي، له مراجعینو سره نیک او مناسب چلند وکړي، سپارل شوي مسؤلیتونه په ښه توګه ادا کړي، د بیتالمال شتمنۍ په سمه توګه وساتي او د مراجعینو د رضایت، د خدماتو د ښه والي او د چارو د اغېزمنتیا لپاره لا زیاتې هڅې وکړي.
