د شهیدانو او معلولینو چارو وزارت د مالي او اداري چارو عمومي ریاست تر چتر لاندې د ریاستونو د یو کال د فعالیتونو او لاسته راوړنو د وړاندې کولو په موخه غونډه ترسره شوه

nasrat_admin
پنجشنبه ۱۴۰۳/۱/۹ - ۱۳:۲۰
mmd

یاده غونډه چې د دې وزارت د مالي او اداري چارو عمومي رئیس محترم مولوي کلیم الله افغان تر مشرۍ لاندې ترسره شوه، په هغه کې د بشري سرچینو رئیس محترم مولوي محمد موسی صدیقي، د اداري او خدماتو رئیس محترم مولوي سردار محمد حبیب، د اطلاعاتو او عامه اړیکو رئیس محترم مفتي فیصل خاموش د تدارکاتو آمر محترم قاري عبدالباسط   او د دې وزارت د بودیجې آمر محترم محمد ادریس ګډون درلود.

په دې غونډه کې د اړوندو څانګو رئیسانو او آمرینو د یادو څانګو د فعالیتونو، لاسته راوړنو او ننګونو په اړه په تفصیل سره خپل یو کلن راپور وړاندې کړ او د کاري بهیر د ښه والي په موخه یې خپل وړاندیزونه او د حل لارې چارې یې هم د عمومي ریاست سره شریکې کړې.

په دې غونډه کې د وزارت د بشري سرچینو رئیس محترم مولوي محمد موسی صدیقي د یاد ریاست له لوري د روزنیزو پروګرامونو په لاره اچولو، د وزارت تشکیلاتو جوړښت، استخدام پروسې، د دندو د لایحو ترتیب، د کمپیوټر لب جوړولو، د کارکوونکو د سوانحو ترتیبولو، په (HRMIS) سیستم کې د کارکوونکو د اسنادو ثبت کولو، د مجاهدینو د جهادي خدمتونو د فورمو ترتیبولو او د نورو ترسره شویو فعالیتونو په اړه یې هراړخیز معلومات وړاندې کړل.

دغه راز په دې غونډه کې د اداري خدمتونو رئيس محترم مولوي سردار محمد حبيب د دې وزارت په انګړ کې د یو محراب مسجد د جوړولو، د وسايطو د اسنادو ثبتولو د بهير، په ولايتونو کې د شهيدانو او معلولينو چارو رياستونو ته د ودانېو سپارلو او يو شمېر نورو خدماتي او اداري فعاليتونو يادونه وکړه.

ورپسې د دې وزارت د اطلاعاتو او عامه اړیکو رئیس محترم مفتي فیصل خاموش هم د شهیدانو وارثینو او معلولینو ته د کره او دقیقو  معلوماتو د رسولو په موخه د دې ریاست د فعالیتونو او لاسته راوړنو په اړه هراړخیز معلومات ورکړل.

دغه راز په دې غونډه کې د تدارکاتو او بودیجې آمرینو هم د خپلو اړوندو څانګو د دندو او فعالیتونو یو کلن راپور غونډې ته وړاندې کړ.

د غونډې په پای کې د دې وزارت مالي او اداري چارو عمومي رئیس محترم مولوي کلیم الله افغان له یادو رئیسانو څخه مننه وکړه او ویې ویل: د دې ریاستونو پر وړاندې د شته ننګونو د حل په برخه کې به پوره رسیدګي وشي.

تازه خبرونه

پنجشنبه ۱۴۰۴/۶/۶ - ۹:۱۸
Background image

د شهیدانو او معلولینو چارو وزارت او د (IHH) مؤسسې ترمنځ د هوکړه لیک لاسلیک

د شهیدانو او معلولینو چارو وزارت د پلان، بهرنېو اړیکو او تقنین ریاست او د (IHH) خیریه مؤسسې ترمنځ هوکړه لیک لاسلیک شو چې موخه یې د یتیمانو لپاره د ښه ژوند فرصتونو برابرول او د هغوی. . .

چهارشنبه ۱۴۰۴/۶/۵ - ۹:۱۸
Background image

د شهیدانو او معلولینو چارو وزارت او د نصیر خیریه بنسټ ترمنځ د هوکړه لیک لاسلیک

د شهیدانو او معلولینو چارو وزارت د یتیمانو د لاسنیوي او ملاتړ په موخه د نصیر خیریه بنسټ سره د (۷۷۹) زره او (۷۶۰) افغانیو په ارزښت د همکارۍ هوکړه لیک لاسلیک کړ، چې له مخې به یې د کابل. . .

یکشنبه ۱۴۰۴/۶/۲ - ۹:۷
Background image

په پروان ولايت کې د‌ شهیدانو او معلولینو چارو ریاست له لوري د ترسره شویو کړنو او فعالیتونو څخه بررسي ترسره شوه

د شهیدانو او معلولینو چارو وزارت د کورنۍ پلټنې رئیس محترم مولوي محمد انور برادر په مشرۍ یو پلاوي چې د اړوند ریاست دوه تنو کارکوونکو هر یو محترم محمد یاسین ادیب او محترم علي جان محمدي یې. . .

BACK TO NEWS