د شهیدانو او معلولینو په چارو کې د دولت وزارت پر امرالله صالح د شوي ځانمرګي برید له امله د شهیدانو وارثانو او ټپیانو سره د مرستو ژمنه وکړه
د شهیدانو او معلولینو په چارو کې د دولت وزارت پر امرالله صالح د شوي ځانمرګي برید له امله د شهیدانو وارثانو او ټپیانو سره د مرستو ژمنه وکړه
نن د وږې په ۲۵مه، د شهیدانو او معلولینو په چارو کې د دولت وزارت او کمک نړېوالې موسسې له لوري، د رییس جمهور لومړي مرستیال امرالله صالح باندې د شوي ځانمرګي برید له امله د شهیدانو وارثانو او د پېښې ټپیانو سره د مرستو ژمنې وکړې.
د شهیدانو او معلولینو په چارو کې د دولت وزارت د ټولنیزو او مرستندویه خدمتونو رييس سیدعالم هاشمي د شهیدانو د کورنیو غړو سره په وزارت کې له ثبت او راجستر وروسته د میاشتنیو امتیازاتو، د زده کړو زمینې برابرولو او د پېښې له ټپیانو سره د درملنې په برخه کې د مرستو ژمنه وکړه.
په ورته وخت کې د کمک نړیوالې موسسې د مرکزي حوزې مرستیال یارمحمد ځاځي هم، په یاده پېښه کې د شهیدانو د کورنیو غړو سره د اوږدمهالو مرستو، د کار او تجارت په برخو کې د پانګونې، د ټپیانو درملنه، د شهیدانو او ټپیانو د کورنیو غړو د رواني او درملنې په برخو کې د مرستو وعده وکړه.
