د شهيدانو او معلولينو چارو سرپرست وزير د افغانستان د معلولينو د انسجام او همغږۍ ټولنې رهبرۍ او غړو سره وکتل
د شهيدانو او معلولينو چارو سرپرست وزير د افغانستان د معلولينو د انسجام او همغږۍ ټولنې رهبرۍ او غړو سره وکتل
د شهيدانو او معلولينو چارو سرپرست وزير پوهنمل حميدالله فاروقي د افغانستان د معلولينود انسجام او همغږۍ ټولنې د رهبرۍ غړو سره ناسته وکړه؛ د معلوليت لرونګو وګړو ستونزې، غوښتنې او وړانديزونه يې واوريدل.
ښاغلي فاروقي د معلولينو له راتګ مننه وکړه او ژمنه يې وکړه، چې د دوی لپاره د غوره خدمتونو وړاندي کول يې کاري لومړيتوب دی وویل، چې تېرو څلورو لسيزو جګرو پر افغانانو ناوړه اغيز پريښی او له هېواد، ملي ګټو، ځمکنۍ بشپړتيا څخه د دفاع لپاره د ولس او سرتېرو قربانۍ د قدر، ستاینې او درناوي وړ ده.
ښاغلي فاروقي زیاته کړه، چې معلولينو سره په همکارۍ او همغږۍ به ددې درديدلي قشر د حقونو او امتيازاتو څخه دفاع او د ځواب ويوونکې ادارې رامنځته کولو لپاره به په ګډه مبارزه او هلې ځلې وکړي.
ښاغلي فاروقي د معلولينو پر يووالي هم ټينګار وکړ او د ملي فدراسيون د جوړېدو په تړاو يې د هراړخيزو همکاريو ډاډ ورکړ.
د افغانستان د معلولينو انسجام او همغږۍ رهبرۍ غړو په استازيتوب ملک محمد ملکزاده خبرې وکړې، وزارت نوې رهبرۍ ته يې مبارکي وويله او په چارو کې يې ورته د بريا هيله وکړه.
نوموړي ژمنه وکړه، چې د وزارت له رهبرۍ سره به د همغږۍ او همکارۍ په چوکاټ کې کار کوي او له پلانونو او برنامو به يې ملاتړ ته ادامه ورکړي.
