د عالیقدر امیر المؤمنین حفظه الله تعالی د ارزښتناکه توصیو د ابلاغ په موخه د کابل ولایت د شهیدانو او معلولینو چارو په ریاست کې غونډه ترسره شوه
په هغه غونډه کې چې په همدې موخه د کابل ولایت د شهیدانو او معلولینو چارو رئیس محترم قاري شمس الامین زهیر په مشرۍ په یاد ریاست کې جوړه شوې وه، په هغه کې د ریاست اړوند ټولو کارکوونکو ګډون کړی وو.
په دې غونډه کې د عالیقدر امیرالمؤمنین حفظهالله تعالی ارزښتناکې توصیې، چې د کابل ولایت له اړوندو رئیسانو سره د وروستۍ لیدنې پر مهال بیان شوې وې. یادې توصیې د مؤثره تطبیق او ښه درک په موخه د کابل ولایت د شهیدانو او معلولینو چارو ریاست ټولو کارکوونکو ته په رسمي توګه ابلاغ شوې.
د غونډې ګډونوالو هم د عالیقدر امیرالمؤمنین حفظه الله تعالی د ارزښتناکه توصیو له اوریدو وروسته، ژمنه وکړه چې دا مهمې توصیې به، په خپلو ورځنیو چارو کې په بشپړه توګه پلي کړي.
د دې ترڅنګ په دې غونډه کې د اداري چارو د لاښه مؤثریت او همداراز د یتیمانو، کونډو او معلولینو د اسنادو د سروې او بررسۍ پروسې پر څرنګوالي هم خبرې وشوې او له کارکوونکو څخه وغوښتل شول چې سپارل شوې چارې په پوره همغږۍ او اخلاص سره ترسره کړي.
