په بغلان ولایت کې پر اتیا (۸۰) مستحقو کورنيو باندې نغدي مرستی ووېشل شوې
د بغلان ولايت د شهيدانو او معلولينو چارو رياست د یوې خیریه مؤسسې سره په همغږۍ په یاد ولایت کې (۴۰۰) زره افغانۍ د شهيدانو او معلولينو پر اتیا (۸۰) کورنيو باندې د نغدي مرستې په توګه ووېشلې، چې هر مستحق(۵۰۰۰) افغانۍ ترلاسه کړې.
د بغلان ولايت د شهیدانو او معلولینو رئیس محترم ملا احسان الله عابد د شهیدانو او معلولینو د کورنیو د ملاتړ پر اهمیت ټینګار وکړ او ډاډ یې ورکړ چې دا ډول مرستې به، په راتلونکي کې هم دوام ومومي.
