په پروان ولایت کې څلور سوه (۴۰۰) تنو مستحقو کسانو مرستې ترلاسه کړې
د پروان ولایت د شهیدانو او معلولینو چارو ریاست د یوې خیریه مؤسسې سره په همغږۍ په څلور سوه (۴۰۰) تنو یتیمانو، کونډو او معلولینو باندې مرستې چې په هغه کې اته (۸) ډوله خوراکي توکي شامل وو، ووېشل.
د مرستو د وېش پر مهال د پروان ولایت د شهیدانو او معلولینو چارو رئیس محترم مولوي عبدالاحد سعد او د مؤسسې مسؤلینو شتون درلود.
محترم مولوي عبدالاحد سعد د یادې مؤسسې له مسؤلینو څخه د مرستو چمتو کولو په پار مننه وکړه او د دې قشر لپاره یې د لازیاتو مرستو پر برابرولو ټینګار وکړ.
