په پروان ولایت کې د (۴۰۰) اړمنو کسانو سره ژمنۍ مرستې ترسره شوې
د پروان ولایت د شهیدانو او معلولینو چارو ریاست د شهیدانو کورنیو او معلولیت لرونکو کسانو د ملاتړ په موخه، د یوې خیریه مؤسسې په همکارۍ، د (۴۰۰) تنو یتیمانو، کونډو او معلولینو باندې ژمنۍ مرستې چې په هغه کې البسه او ژمنۍ مرستې شاملې وې، په منظم ډول وویشلې.
د پروان ولایت د شهیدانو او معلولینو چارو رئیس محترم مولوي نیاز محمد هجرت د خیریه مؤسسې له مرستو څخه مننه وکړه او له ټولو مؤسسو او مرستندویه بنسټونو یې وغوښتل چې یتیمانو، کونډو او معلولینو لپاره لا زياتې مرستې برابرې کړي.
