The Telecommunications Services Regulatory Authority is fully prepared
د مخابراتي خدمتونو د تنظیم اداره بشپړ چمتو والی لري چې د اطلاع رسونې او عامه پوهاوي په برخه کې مرستې وکړي.
د مخابراتي خدمتونو د تنظیم ادارې (اترا) مرستیال ښاغلي انجنیر نقیب الله سیلاب او ورسره راغلي پلاوي د شهیدانو او معلولینو په چارو کې د دولت وزیر ښاغلي لعل الدین آریوبي سره د هغه په کاري دفتر کې ولیدل.
په دې ناسته کې د اترا مرستیال ښاغلي انجنیر نقیب الله سیلاب د شهیدانو وارثینو او معلولیت لرونکو وګړو لپاره د اطلاع رسونې او عامه پوهاوي پر پروګرامونو او د کارموندنې پر فرصتونو خبری وکړی. نوموړي په دې برخه کې د وزارت د هراړخیزو همکاریو غوښتنه وکړه.
د شهیدانو او معلولینو په چارو کې د دولت وزیر ښاغلي لعل الدین آریوبي د مخابراتي خدمتونو د تنظیم ادارې د مرستو ستاینه وکړه او د ۱۳۹۹ کال پلانونه او برنامې یې ورسره شریکې کړې.
