د شهیدانو او معلولینو چارو وزارت کې (۴۰۰) تنو مستحقو کسانو باندې ژمنۍ مرستې ووېشل شوې
د شهیدانو او معلولینو چارو وزارت د ژمي موسم په را رسیدو سره د شهیدانو کورنیو او معلولیت لرونکو وګړو د لاسنیوي په موخه، د یوې خیریه مؤسسې سره په همغږۍ د کابل ولایت اړوند پر (۴۰۰) تنو مستحقو یتیمانو، کونډو، معلولینو او اړمنو کسانو باندې ژمنې مرستې چې په هغه کې البسه او کمپلې شاملې وې، په شفاف او منظم ډول ووېشلې.
یادې مرستې د دې وزارت د ټولنیزو خدمتونو د تنظیم آمر محترم صفي الله سدید، د څارنې او ارزونې ریاست استازي او د یادې مؤسسې د مسؤلینو په شتون کې پر مستحقو کسانو ته ورکړل شوې.
د یادونې وړ ده چې څو ورځې وړاندې هم د (۴۰۰) تنو یتیمانو، کونډو او معلولینو سره ورته مرستې ترسره شوې وې.
