د هلمند ولایت د شهیدانو او معلولینو چارو ریاست کارکوونکو لپاره د کاري ظرفیت لوړونې درې ورځینی روزنیز ورکشاپ پای ته ورسید
د هلمند ولایت د شهیدانو او معلولینو چارو ریاست د خپلو کارکوونکو د کاري وړتیا لوړولو لپاره درې ورځینی روزنیز ورکشاپ جوړ کړ، یاد روزنیز ورکشاپ د نهر سراج، ګرشک، سنګین، کجکي، بغنې، باغران، ناوه مېش، ګرمسیر او خانشین ولسوالیو اړوند د شهیدانو او معلولینو چارو مدیرانو لپاره ترسره شو، چې موخه یې د اداري چارو او مدیریتي مهارتونو پياوړي کول وو.
په ورکشاپ کې ګډونوالو ته د اداري مراسلاتو اصول او د مدیریت مهارتونه وښودل شول، څو خپلې دندې په ښه توګه ترسره کړي.
د هلمند ولایت د شهیدانو او معلولینو چارو ریاست پلان لري چې په راتلونکي کې د پاتې ولسوالیو د شهیدانو او معلولینو چارو مدیرانو ته هم ورته ورکشاپونه جوړ کړي.
