د شهیدانو او معلولینو چارو وزارت د کارکوونکو چارو ریاست اړوند کارمندانو د کړنو او فعالیتونو ارزونه ترسره شوه
د شهیدانو او معلولینو چارو وزارت د منظم پلان له مخې، د دې وزارت د ټولو کارکوونکو د کړنو او فعالیتونو د ارزونې پروسه چې څه موده وړاندې د ټاکل شوې کمېټې له لوري پېل شوې وه، نن د کارکوونکو چارو ریاست اړوند کارمندانو د یو کلني فعالیتونو او کړنو ارزونه ترسره شوه.
په یادې کمېټې کې د کارکوونکو د چارو رئيس محترم مولوي محمد موسی صديقي، د دعوت او ارشاد رئیس محترم مفتي عبدالاحد مسعود، د استخدام آمر محترم مولوي عبدالصمد حماد او د سوانح او ارزونې آمر محترم کریم الله فاروقي شتون لري.
د دې ارزونې اصلي موخه په کاري بهیر کې د شته ستونزو او ننګونو په نښه کول، د اداري چارو د کیفیت لوړول او د هغو برخو پېژندنه ده چې کارکوونکي یې د ظرفیت لوړولو روزنیزو پروګرامونو ته اړتیا لري.
