د شهيدانو ورثه ؤ او معلولينو د پالنې مرکز کې یو سل او شل (۱۲۰) تنو زده کوونکو مرستې ترلاسه کړې
د (HHRD) خیریه مؤسسې د شهيدانو او معلولینو چارو وزارت سره په همغږۍ د شهيدانو ورثه ؤ او معلولینو د پالنې په مرکز کې د حرفوي زده کړو له (۱۲۰) تنو زده کوونکو سره مرسته چې په هغه کې شپږ قلمه خوراکي توکي شامل وو، په شفاف ډول وويشل شوې.
په ورته وخت کې د يادې مؤسسې له لوري هر زده کوونکي ته(۳۶۶۰) افغانۍ د نغدي مرستې په توګه هم ورکړل شوې.
د يادو مرستو د ويش پر مهال د شهيدانو ورثه ؤ او معلولينو د پالنې مرکز رئيس محترم ملا رحمت اللّٰه خالد، د ټولنيزو چارو خدمتونو د تنظیم رياست، د څارنې او ارزونې رياست استازو او د یادې خیریه مؤسسې مسؤلینو حضور درلود.
د يادونې وړ ده چې د ياد مرکز رئيس محترم ملا رحمت الله خالد د (HHRD )مؤسسې له مسؤلینو څخه مننه وکړه.
