برای تطبیق پروسه بایومتریک در ولایات امتحان رقابتی گرفته شد
د لسو ولایتونو د بایومتریک پروسې تطبیق په موخه ازموینه واخیستل شوه
په ولایتونو کې د شهیدانو د وارثینو او معلولیت لرونکو وګړو د بایومتریک په موخه په لسو ولایتونو کې د بایومتریک کارکوونکو د ګمارلو لپاره ازموینه واخیستل شوه.
دغه ازموینه د دوه ورځو په لړ کې واخیستل شوه او د ننګرهار، کندهار، پکتیا ، بدخشان ، لغمان، کاپیسا، تخار، مزار او هرات ولایتونو څخه ۱۵۰ شارټ لیست شویو کسانو پکې برخه لرله.
د شهیدانو او معلولینو په چارو کې د دولت وزارت د بشري سرچینو رییس ښاغلي نېک محمد نېکمل وویل، چې د دې پروسې د تطبیق لپاره به د شارټ لیست شویو کسانو له ډلې ۲۰ تنه بریالي او په دنده وګمارل شي. نوموړي زیاته کړه، چې د ازموینې جریان د مسولینو له لوري په دقیقه توګه څارل کېده او پروسه په پشپړه توګه شفافه ده.
د دې وزارت د بایومتریک سیستم مسول ښاغلي شکرالله اکسیر وویل، چې د دې پروسې له تطبیق سره به په مرکز او ولایتونو کې چارې چټکې او اسانه شي.
د یادونې وړ ده، چې د پاتې ولایتونو د بایومتریک سیستم د تطبیق لپاره به هم ډېر ژر ازموینه واخیستل شي.
