د بغلان ولایت د شهيدانو او معلولينو چارو رئيس نهرین ولسوالۍ ته سفر وکړ
د بغلان ولایت د شهیدانو او معلولینو چارو رئیس محترم ملا احسان الله عابد د یاد ولایت اړوند نهرین ولسوالۍ ته یې د سفر په ترڅ کې له ولسوال سره له نږدې وکتل، په دې لیدنه کې د یتیمانو، کونډو او معلولینو د تثبیت او ثبت په پروسه کې د کلیو د ملکانو له لوري د ریاست کارکوونکو سره د کره او دقیقو معلوماتو د شریکولو او په ځینو نورو مهمو موضوعاتو خبرې وشوې.
په ورته وخت کې د نهرين ولسوالۍ ولسوال هم ډاډ ورکړ چې د یتیمانو، کونډو او معلولینو د پېژندنې او د هغوی د ستونزو د حل په برخه کې به د شهیدانو او معلولینو چارو ریاست سره هر اړخیزه همکاري وکړی.
محترم ملا احسان الله عابد همداراز په یادې ولسوالۍ کې د اړوند مدیریت له چارو څخه ارزونه ترسره کړه، د یو شمېر شهيدانو کورنيو سره یې له نږدې وکتل د هغوی ستونزې او غوښتنې واورېدې او هرې کورنې سره یې یو اندازه نغدي مرسته هم ترسره کړه.
