د شهیدانو او معلولینو چارو وزارت په پام کې لري چې د ترکیې هېواد د تیکا مؤسسې سره په همغږۍ پر (۸۵۰) تنو مستحقو یتیمانو، کونډو او معلولینو خوراکي توکي وویشي
د شهیدانو او معلولینو چارو وزارت د بهرنېو اړیکو او پلان رياست په هڅو او کوښښونو د ترکیې هېواد د تیکا مؤسسې چمتوالی ښودلی چې په کابل، پکتیا، بامیان او نورستان ولایتونو کې پر(۸۵۰) تنو مستحقو یتیمانو، کونډو او معلولینو باندې خوراکي توکي چې په هغه کې اوړه، غوړي، وريجې، چای، نخود، لوبیا، بوره او روب شامل دي وویشي.
د يادونې وړ دی چې له یادو مرستو څخه به، په ترتیب سره (۲۵۰) تنه په کابل، (۲۰۰) تنه په پکتیا، (۲۰۰) تنه په بامیانو او (۲۰۰) تنه نور مستحق کسان به په نورستان ولايت کې له مرستو برخمن شي.
