۲۹ معلولیت لرونکو کسانو ته برقي ویلچرونه وویشل شول
۲۹ معلولیت لرونکو کسانو ته برقي ویلچرونه وویشل شول
پنجشنبه-۱۴۰۰/۳/۶
د شهیدانو او معلولینو وزارت په کابل کې د ترکیې وسله والو ځواکونو او سرې میاشتې سره په همکارۍ د 29 معلولیت لرونکو وګړو لپاره چې مخکې یې د دې وزارت له خدماتو څخه ګټه نه وه اخیستې، عریضې یې د موظفې کمیټې له دقیقې ارزونې وروسته په کابل کې د ترکیې سرې میاشتې مشر احمد ضیا په شتون کې، برقي ویلچیرونه، صابونونه، بریښنایی څراغونه او چترۍ وویشل.
د شهیدانو او معلولینو وزارت د ټولنیزو خدماتو رییس سید عالم هاشمي د بریښنایی ویلچیرونو د توزیع پرمهال وویل چې دا ویلچیرونه هغو خلکو ته وویشل شول چې په عمومي فلج اخته دي، او یا دوه پښې یې قطع دي او تراوسه پورې یې د وزارت له لوري مرستې او خدمات نه دي ترلاسه کړې.
هغه معلولین چې ویلچیرونه یې غوښتل تر وړاندې دې وزارت ته عریضې وړاندې کړې وې چې له ډیر دقت او غور وروسته ویلچیرونه وړ اشخاصو ته وویشل شول.
د یادونې وړ ده چې د بریښنایی ویلچرونو اعلان لا دمخه د دې وزارت په ویب پاڼه او ټولنیزو ویب پاڼو له لارې خپره شوې او ټول شرایط یې ذکر شوي وو.
