په كندهارولايت کې د ۱۰۴ یتیمانو کورنیو سره نغدي مرسته وشوه
د کندهارولایت په ژړۍ ولسوالۍ کي د یتیمانو د ۱۰۴ کورنیو سره نغدي مرسته وشوه. دغه نغدي مرسته چي د پنځه زرو نه نیولې تر نه زره افغانې شاملې وې د یو افغان سوداګر له خوا چي نه یې غوښتل نوم یې واخیستل شي د کندهار ولایت د شهیدانو او معلولینو چارو ریاست په همغږۍ د یاد ولایت په ژړۍ ولسوالۍ کي دیتیمانو پر کورنیو باندي وویشل شوې.
د کندهار ولایت د شهیدانو او معلولینو چارو ریاست د دغه افغان سوداګر د کړې مرستې څخه مننه وکړه او د هغوې صدقات یې د ستاینې وړ وباله او د خدای تعالی څخه یې ورته د قبولیت دعا وکړه.
او په نورو پانګوالو باندي یې هم غږ وکړ تر څو په دغې مبارکي میاشتې کي یتیمان اوکونډې هیري نکړي، او د هغوې سره مرستې او لاس نیوي وکړي.
