د کابل ولایت د شهیدانو او معلولینو چارو ریاست د مالي او اداري چارو څخه بررسي ترسره شوه
د شهیدانو او معلولینو چارو وزارت د کورنۍ پلټنې رئیس محترم مولوي محمد انور برادر په مشرۍ یو پلاوي چې د اړوند ریاست درې تنو کارکوونکو هر یو محترم نذیر احمد احمدي، محترم نصیر احمد حکيمي او محترم امین الله امیني یې ملتیا کوله، د کابل ولایت د شهیدانو او معلولینو چارو ریاست له لوري په ۱۴۰۳ مالي کال کې د ترسره شویو فعالیتونو او کړنو څخه هر اړخیزه بررسي ترسره کړه.
یاد پلاوي د شهیدانو ورثه وو او معلولیت لرونکو وګړو ته د وړاندې شویو خدمتونو څرنګوالی، د تثبیت او ثبت بهیر، یتیمانو، کونډو او معلولینو ته د میاشتني نغدي مساعدتونو وېش او نورې اداري چارې په هر اړخیز ډول بررسي کړې.
د بررسي پر مهال شته ستونزې او نیمګړتیاوې وپېژندل شوې او د چارو د ښه والي او سمون په موخه کارکوونکو ته لازمې سپارښتنې وړاندې شوې.
