د هېواد نظامي شهیدان او معلولین زموږ اتلان دي
د هېواد نظامي شهیدان او معلولین زموږ اتلان دي
د شهیدانو او معلولینو په چارو کې د دولت وزیر لعل الدین آریوبي د هېواد د نظامي شهیدانو یو شمېر وارثینو او معلولینو سره وکتل. په دې ناسته کې د نظامي شهیدانو او معلولینو چارو د انسجام معینې صبري اندړ هم ګډون درلود.
د نظامي شهیدانو وارثینو او معلولیت لرونکو وګړو د خپلو حقوقو او دوی ته د حکومت د پاملرنې، امکاناتو او اسانتیاوو زیاتېدو اړه خپل نظرونه او وړاندیزونه د وزارت مشرتابه سره شریک کړه.
ښاغلي آریوبي د نظامي سکتور شهیدان او معلولین د هېواد او ولس اتلان وګڼل وویل، چې قربانۍ به یې نه یوازې دا چې هیڅ کله هېرې نه شي بلکې تاریخ کې به په زرینو کرښو ثبت او راتلونکو نسلونو ته به د وطن ساتنې او دفاع بېلګه وګرځي. ښاغلي آریوبي زیاته کړه، چې جمهور رییس هم دې قشر ته ځانګړې پاملرنه لري او دوی ته د ښې رسېدنې په موخه یې د نظامي چارو د انسجام معاونیت رامنځته او صبري اندړ یې معینه وټاکله. آریوبي ډاډ ورکړ، چې د دوی ستونزو ته رسیدګي یې لومړیتوب دی او په دې برخه کې به له هیڅ ډول هڅو درېغ ونه کړي.
