د ګران هېواد د خپلواکۍ بېرته ګټلو د ۱۰۰ کلیزې په مناسب د شهیدانو او معلولینو په چارو کې د دولت وزیر جلالتماب لعل الدین آریوبي د مبارکۍ پیغام
د ګران هېواد د خپلواکۍ بېرته ګټلو د ۱۰۰ کلیزې په مناسب د شهیدانو او معلولینو په چارو کې د دولت وزیر جلالتماب لعل الدین آریوبي د مبارکۍ پیغام
ازادي تر پاچاهیه لا تېری کا
چې د بل تر حکم لاندې شي زندان شي
د غازي شاه امان الله خان د ناتمام فصل بشپړونکي د افغانستان جلالتماب جمهور رئیس محمد اشرف غني، د درې ګونو قوو محترمې رهبرۍ، د کابینې محترمو غړو، والي صاحبانو، د شهیدانو کورنیو او معلولیت لرونکو وګړو او پر خپلواکۍ میئن ټول افغان ولس ته د ګران هېواد د خپلواکۍ بېرته ګټلو د ۱۰۰ کلیزې مبارکي وایم!
درنو هېوادوالو! د زمري ۲۸ ویشتمه زموږ د تاریخ یوه زرینه او نه هېرېدونکې پاڼه ده، په دې ورځ زموږ نیکونو د مټو او تورې په زور د خپلو سرونو په نذرانه کولو سره د نړۍ ستر ښېلاک په ګونډو او موږ ته یې د یو خپلواک، سرلوړي او سرښندونکي ملت ویاړ راپه برخه کړ.
زموږ اوسنۍ خپلواکۍ سل کاله وړاندې د ستر غازي شاه امان الله خان تر قیادت لاندې د بې شمېره شهیدانو د پاکو وینو او مبارزو په برکت ترلاسه شوې او ویاړ یې د ټول ملت شریک دی.
د شهیدانو او معلولینو په چارو کې د دولت وزارت د شهیدانو او معلولیت لرونکو وګړو سرښندونو او قربانیو ته د احترام لپاره رامنځته شوی او د یوه خدماتي بنسټ په توګه ژمن دی، چې دوی ته په سیستماتیک ډول د ژوند په مختلفو برخو کې مهم فرصتونه رامنځته او په ټولنه کې د فعالو اشخاصو په څېر رغنده ونډه ولري.
د خپلواکۍ بیرغ مو تل هسک او رپانده اوسه!
لعل الدین آریوبي
د شهیدانو او معلولینو په چارو کې د دولت وزیر
