د شهيدانو او معلولينو چارو وزیر محترم الحاج ملا عبدالمجید آخند د زابل او لوګر ولايتونو له واليانو سره وکتل
د شهیدانو او معلولینو چارو وزیر محترم الحاج ملا عبدالمجید آخند په خپل کاري دفتر کې د زابل والي محترم مولوي شیرمحمد شریف او د لوګر ولایت له والي محترم قاري صلاح الدين ايوبي سره جلا جلا لېدنې ترسره کړې.
د دې ليدنو پر مهال د خدماتو، ساتنې او پاملرنې رئيس محترم مولوي سردار محمد حبيب، د ټولنیزو خدمتونو د تنظيم رئيس محترم مولوي ثناء الله فرقاني، د معلولینو د بیاځواکمنتیا رئیس محترم مولوي عبدالنافع منتفع او همداراز د زابل ولايت د شهيدانو او معلولينو چارو رئيس محترم مولوي فضل الدین آغا هم حضور درلود.
د دې لیدنې پر مهال، د بېلابېلو موضوعاتو تر څنګ، په زابل ولایت کې د (۶۷۰) شهیدانو د کورنیو لپاره د استوګنې ښارګوټي د جوړولو موضوع هم وڅېړل شوه. همدارنګه د زابل او لوګر ولایتونو د شهیدانو او معلولینو ریاستونو پر وړاندې شته ستونزې د یادو ولایتونو له والیانو سره شریکې شوې.
په پای کې د زابل او لوګر ولایتونو واليانو هم د شهیدانو او معلولینو چارو ریاستونو سره د پوره همکارۍ او د ځانګړې پاملرنې ډاډ ورکړ.
