د شهیدانو او معلولینو چارو وزارت او د افغانستان د پراختیا او بېړنیو مرستو مؤسسې ترمنځ هوکړه لیک لاسلیک شو
د شهیدانو او معلولینو چارو وزارت د یتیمانو کورنیو د لاسنیوي او ملاتړ په موخه، د افغانستان د پراختیا او بېړنیو مرستو مؤسسې سره د څه باندې (۵۶) زره ډالرو په ارزښت د همکارۍ هوکړه لیک لاسلیک کړ، چې پر اساس به یې په کنړ ولایت کې (۱۰۰) تنو یتیمانو ته په میاشتني ډول نغدي مرستې ترسره شي، د یوه کال په موده کې به هر مستحق (۴۹۲) ډالره ترلاسه کړي.
د همکارۍ دغه هوکړه لیک د شهیدانو او معلولینو چارو وزارت د پلان، بهرنیو اړیکو او تقنین چارو رئيس محترم مولوي ثناء الله فرقاني او د یادې خیریه مؤسسې استازي ترمنځ لاسلیک شو، چې د یوه کال په موده کې به د کنړ ولایت د شهیدانو او معلولینو چارو ریاست سره په همغږۍ تطبیق شي.
