د شهیدانو او معلولینو چارو وزارت د کورنۍ پلټنې په ریاست کې اداري غونډه ترسره شوه
د چارو د لا ښه والي او همغږی په موخه د کورنۍ پلټنې رئیس محترم مولوي محمد انور برادر په مشرۍ په یاد ریاست کې اداري غونډه ترسره شوه، په دې غونډه کې د ریاست اړوند آمرینو او کارکوونکو ګډون کړي وو.
د دې غونډې په ترڅ کې محترم مولوي محمد انور برادر د ریاست له کارکوونکو څخه د کلني پلان د (۷۵) سلنې د بشپړېدو له امله مننه وکړه، د عالیقدر امیرالمؤمنین حفظه الله تعالی هدایات د غونډې ګډونوالو ته واورول شول، همداراز کارکوونکو ته د معیاري راپورونو د لیکلو، د مسلکي او اصلاحي سپارښتنو د وړاندې کولو، د تفتیش پر مهال د مفتشینو له لوري د ښه او مناسب چلند کولو، د احکامو، فرامینو او د وزارت د رهبرۍ شورا د پرېکړو د پر وخت تطبیق او د یو شمېر نورو موضوعاتو په اړه لازمې لارښوونې وشوې.
همدارنګه د غونډې ګډونوالو هم کاري استقامت ته په کتو، خپل نظرونه او وړاندیزونه وړاندې کړل، چې له بحث او ارزونې وروسته د کورنۍ پلټنې د رئیس له لوري پرې لازمې پرېکړې وشوې
