د جوزجان ولایت د شهیدانو او معلولینو چارو رئیس محترم مولوي شبیر احمد ته، ستاینلیک ورکړل شو
د شهیدانو او معلولینو چارو وزارت د مالي او اداري چارو عمومي رئیس محترم مولوي کلیم الله افغان او د مالي او حسابي چارو رئیس محترم مولوي محمد امین دروېش په حضور کې د کارکوونکو چارو رئیس محترم مولوي محمد موسی صدیقي له خوا د جوزجان ولایت د شهیدانو او معلولینو چارو رئیس محترم مولوي شبیر احمد ته د یتیمانو، کونډو او معلولینو د ښه خدمت کولو، په منظم ډول د اداري چارو ترسره کولو او نورو اړوند برخو د ښه مدیریت په پار ستاینلیک ورکړل شو.
یاد ستاینلیک د وزارت د څارنې او ارزونې ریاست د موندنو او سپارښتنې له مخې، د مؤظفې کمېټې له دقیقې ارزونې وروسته او د شهیدانو او معلولینو چارو وزارت محترم وزیر الحاج ملا عبدالمجید آخند له منظورې سره سم محترم مولوي شبیر احمد ته ورکړل شو.
محترم مولوي شبیر احمد د جوزجان ولایت د شهیدانو او معلولینو چارو ریاست د رئیس په توګه، د خپلې دندې په موده کې د یاد ریاست ټولې اداري، مالي او خدماتي چارې په پوره نظم، ژمنتیا او د اصولو مطابق ترسره کړي دي، د هغه د ژمنتیا، مسؤلیت پالنې او یتیمانو، کونډو او معلولینو ته د ښو خدمتونو وړاندې کولو له امله، نوموړی د شهیدانو او معلولینو چارو وزارت د رهبرۍ له خوا د ستاینلیک وړ وګڼل شو.
د مالي او اداري چارو عمومي رئیس محترم مولوي کلیم الله افغان نوموړي ته د چارو په ترسره کولو کې د لا بریالیتوبونو هیله څرګنده کړه.
