د شهیدانو او معلولینو چارو وزارت سره د اغېزمنې همکارۍ په پار د یو شمېر امارتي ادارو استازو ته ستاینلیکونه ورکړل شول
د شهیدانو او معلولینو چارو وزارت د رهبرۍ له لوري د احکامو او فرمانونو د تعقیب او نظارت لوی ریاست د کورنۍ پلټنې رئيس، د چارو ادارې عمومي ریاست، د عدلیې وزارت او د احکامو او فرمانونو د تعقیب او نظارت لوی ریاست استازو ته په ولايتونو کې د کار او ټولنیزو چارو وزارت سره د غیر منقول اموالو د وېش او په دې برخه کې د بشپړو هلو ځلو د ترسره کولو په پار ستاینلیکونه ورکړل شول.
په همدې موخه جوړه شوې غونډه کې د مالي او اداري چارو عمومي رئیس محترم مولوي کلیم الله افغان، د کارکوونکو د چارو رئيس محترم مولوي محمد موسی صدیقي، د خدماتو، ساتنې او پاملرنې رئيس محترم مولوي سردار محمد حبیب،
د شهیدانو ورثه وو او معلولینو د پالنې مرکز رئيس محترم مولوي احسان الله حقاني، یو شمېر آمرینو او کارکوونکو شتون درلود.
د یادونې وړ ده چې د احکامو او فرمانونو د تعقیب او نظارت لوی ریاست د کورنۍ پلټنې رئيس محترم مفتي روح الله حماس په مشرۍ يو پلاوی ټاکل شوی وو، تر څو په ولايتونو کې د شهیدانو او معلولینو چارو وزارت او د کار او ټولنیزو چارو وزارت تر منځ د منقول او د غیر منقول اموالو وېش ترسره کړي، ياد پلاوي د (۲) میاشتو په ترڅ کې د (۱۵) ولايتونو لپاره اداري ودانۍ او سپینې نومرې د کار او ټولنیزو چارو وزارت څخه د شهیدانو او معلولینو چارو وزارت ته وسپارلې.
