په بلخ ولايت کې (۱۰۰) تنو مستحقو یتیمانو نغدي مرستې ترلاسه کړې
د بلخ ولايت د شهیدانو او معلولینو چارو رياست د امداد خیریه بنسټ سره په همغږۍ پر (۱۰۰) تنو مستحقو یتیمانو باندې نغدي مرستې ووېشلې.
يادې مرستې د امداد خیریه بنسټ له لوري د بلخ ولایت اړوند (۱۰۰۰) تنو مستحقو کسانو لپاره په پام کې نیول شوې وې، چې یوه برخه یې پر یتیمانو وېشل شوې ده.
د مرستو د وېش پر مهال د شهیدانو او معلولینو چارو رئیس محترم مولوي جان محمد حکمت، د مرستندویه مؤسسې له ترسره شوو مرستو څخه د مننې ترڅنګ، د یتیمانو او معلولیت لرونکو وګړو لپاره یې د لا زیاتو مرستو غوښتنه وکړه.
