د پکتیا ولایت د شهیدانو او معلولینو چارو په ریاست کې دو تنه نوي مدیران معرفي شول
د شهیدانو او معلولینو چارو وزارت د مقام د حکم پر اساس محترم مولوي حسن محمد رهبر د خاصو شهیدانو د حقوقو مسلکي غړي په توګه او محترم نصیب جان یوسفي د شهیدانو ورثه وو او معلولینو د تثبیت، ثبت او بایومټریک د مسلکي غړي په توګه د پکتیا ولایت د شهیدانو او معلولینو چارو رئیس محترم مولوي محمد رسول حنفي له لوري کارکوونکو ته معرفي او خپلې دندې پیل کړې.
محترم مولوي محمد رسول حنفي د یادو مدیرانو د معرفي په غونډه کې له کارکوونکو وغوښتل چې د مراجعینو سره له ښه اخلاقو او نیک چلند څخه کار واخلي او خپل سپارل شوي مسؤلیتونه په پوره ژمنتیا، اخلاص او صداقت سره ترسره کړي.
