د شهیدانو او معلولینو چارو وزارت یتیمانو او کونډو ته د صحي برخې د ملاتړ او معلولینو ته د بیاوړتیا موندنې په موخه د (HHRD) مؤسسې سره هوکړه لیک لاسلیک کړ
یاد هوکړه لیک د شهیدانو او معلولینو چارو وزارت د بهرنېو اړیکو او پلان رئیس محترم ملا صدوخان حق شناس او د(HHRD) مؤسسې سوپروایزر محترم عبیدالله احمدي تر منځ لاسلیک شو چې د یاد هوکړه لیک له مخې به (۱۷۵۶۰) تنو یتیمانو او کونډو ته د صحي برخې د ملاتړ او یو شمېر معلولینو ته د بیاوړتیا موندنې په برخو کې په کابل، لغمان، ننګرهار، کنړ او پروان ولایتونو کې خدمتونه وړاندې شي.
د يادونې وړ ده چې د دې پروژې ټوليز ارزښت دوه لکه او شپاړلس زره (۲۱۶۰۰۰) امريکائي ډالره دى چې د یوولس میاشتو په موده کې به یتیمانو، کونډو او معلولینو ته په روغتیایي برخو کې خدمتونه وړاندې شي.
