په ننګرهار ولایت کې (۵۶۰) تنو مستحقو کسانو سره مرسته ترسره شوه
د ننګرهار ولایت د شهیدانو او معلولینو چارو ریاست په هڅو د یوې خیریه مؤسسې په مالي ملاتړ د یاد ولایت پر (۵۶۰) تنو مستحقو یتیمانو، کونډو مېرمنو او معلولینو باندې مرستې چې په هغه کې شپږ ډوله بېلابېل خوراکي مواد شامل وو، په منظم او شفاف ډول ووېشل شول.
د ننګرهار ولایت د شهیدانو او معلولینو چارو رئیس محترم مولوي نورالحق حقاني د يادې موسسې له مسؤلينو مننه وکړه او د شهیدانو ورثه وو او معلولینو ته یې په راتلونکي کې د لازياتو همکاريو او مرستو برابرولو ډاډ ورکړ.
